თითქმის 20 წელი გავიდა მას შემდეგ, რაც ჯენიფერ ლოპესი და ბენ აფლეკი პირველად დაინიშნნენ. მართალია, მაშინ წყვილის ურთიერთობა ქორწინებით არ დასრულებულა, თუმცა ცოტა ხნის წინ ჯენიფერი და ბენი ლას-ვეგასში დაქორწინდნენ.

ჯენიფერმა და ბენმა მეორე ნიშნობის შესახებ საზოგადოებას აპრილში აცნობეს. წყვილმა ლას-ვეგასის სპეციალურ სამლოცველოში იქორწინა, რომელშიც წყვილებს მანქანიდან გადმოუსვლელად ქორწინება შეუძლიათ. ამის შესახებ ჯენიფერმა ფანებს 17 ივლისს შეატყობინა:

"სიყვარული მშვენიერია, სიყვარული კეთილია და, როგორც აღმოჩნდა, სიყვარული მომთმენიცაა. 20 წელი ითმინა", — განაცხადა ჯენიფერმა.

ფოტო: ON THE JLO

ფოტო: ON THE JLO

ჯენიფერ ლოპესმა და ბენ აფლეკმა ურთიერთობა 2002 წლის ივლისში დაიწყეს და იმავე წლის ნოემბერში დაინიშნნენ. ქორწილი ცერემონიამდე რამდენი დღით ადრე გადაიდო, ცოტა ხნის შემდეგ კი ნიშნობა გაუქმა და წყვილმა განაცხადა, რომ დაშორდნენ. "მე და ბენი მაშინ დავშორდით, როცა მეგონა, სამუდამოდ ერთად ვიქნებოდით. ეს ჩემთვის პირველი ნამდვილი გულისტკივილი იყო. ისეთი შეგრძნება მქონდა, რომ გული მკერდიდან ამომგლიჯეს", — წერდა ლოპესი 2014 წელს.

ჯენიფერ ლოპესი 2004 წელს მარკ ენტონიზე დაქორწინდა, რომლისგანაც 2 შვილი ჰყავს. ჯენიფერ და ენტონი 10 წელი ერთად ცხოვრობდნენ, თუმცა 2014 განქორწინდნენ. ბენ აფლეკი კი მსახიობ ჯენიფერ გარნერზე 13 წელი იყო დაქორწინებული, მაგრამ 2018 წელს დაშორდა. გარნერსა და ბენ აფლეკს სამი შვილი ჰყავთ.