დღეს, 14 მაისს საფრანგეთის ახლადარჩეული პრეზიდენტის, 39 წლის ემანუელ მაკრონის ინაუგურაციის ცერემონია გაიმართა. პრეზიდენტის რანგში, თავის პირველ სიტყვაში მაკრონმა საფრანგეთის გლობალური რეპუტაციის აღდგენისა და ევროკავშირის რეფორმირების პირობა დადო.

"ჩემი მანდატი ფრანგებს საკუთარი თავის რწმენას დაუბრუნებს," - განაცხადა პრეზიდენტმა მაკრონმა ელისეის სასახლეში მიმდინარე ცერემონიაზე.

მაკრონმა ოფისი ფრანსუა ოლანდისგან გადაიბარა, რომელიც ხუთი წლის განმავლობაში ებრძოდა მაღალ უმუშევრობას.

ყოფილმა ბანკირმა, რომელსაც არჩევნებში არასდროს მიუღია მონაწილეობა და თავისი ცენტრისტული პოლიტიკური მოძრაობაც ერთი წლის წინ წამოიწყო, ამომრჩეველს, ასევე, ეკონომიკის გამოცოცხლებას შეჰპირდა:

"უნდა დავამარცხოთ განხეთქილება ჩვენს საზოგადოებაში. ძლიერი საფრანგეთი ახლა უფრო მეტად სჭირდება მსოფლიოსა და ევროპას ვიდრე ოდესმე, რომელიც ხმამაღლა ადვოკატირებს თავისუფლებისა და სოლიდარობისთვის."

ემანუელ მაკრონმა საფრანგეთის საპრეზიდენტო არჩევნების მეორე ტურში ულტრა-მემარჯვენე, ეროვნული ფრონტის ლიდერი, მარინ ლე პენი დაამარცხა და ხმების 66 პროცენტი მიიღო.