დღეს, 11 მაისს, კიევის საერთაშორისო საგამოფენო ცენტრში, ევროვიზიის მეორე ნახევარფინალური კონცერტი გაიმართა, სადაც ჟიურისა და მაყურებლის ერთობლივი გადაწყვეტილებით კიდევ ათი ფინალისტი გამოვლინდა.

შესაბამისად ფინალში ვიხილავთ მოლდოვას, აზერბაიჯანს, საბერძნეთს, შვედეთს, პორტუგალის, პოლონეთს, სომხეთს, ავსტრალიას, კვიპროსს, ბელგიას, ბულგარეთს, ბელორუსია, ხორვატიას, უნგრეთს, დანიას, ისრაელს, რუმინეთს, ნორვეგიას, ჰოლანდიასა და ავსტრიას.

ასევე ფინალში ვიხილავთ ხუთ დამფუძნებელ ქვეყანას - ესპანეთს, საფრანგეთს, დიდ ბრიტანეთს, იტალიას, გერმანიას და წინა წლის გამარჯვებულს უკრაინას.

შეგახსენებთ, რომ ევროვიზიის წლევანდელი ქართველი კონკურსანტი თამარა გაჩეჩილაძე წელს მუსიკალური კონკურსის ფინალში ვერ მოხვდა.

გრანდიოზული მუსიკალური კონკურსის ფინალი, 13 მაისს, საქართველოს დროით 23:00 საათზე გაიმართება.