მძღოლებს ბევრი რამ გვაერთიანებს — ერთხელ მაინც აგვდუღებია წყალი ძრავში, უცნაური ხმების გადასაფარად მუსიკა ჩაგვირთავს, ან სულაც ისეთი საავარიო სიტუაციიდან დაგვიძვრენია თავი, რომ ამაზე მერე მეგობრებთან დიდხანს გვიტრაბახია.

არადა, რამდენ რამეს გვიმარტივებს მანქანა — ხალხით გადავსებულ ავტობუსში ასვლა და ცალ ფეხზე დგომა აღარ გვიწევს და შაბათ-კვირას არც ქალაქგარეთ გასვლაა პრობლემა, მაგრამ ისიც მართალია, რომ საჭესთან ჯდომას ახლავს სიტუაციები, რომლებიც ჩვენი გამძლეობის გამოცდას ემსგავსება. მაგალითად:

1. საცობში დგომა

როცა მძღოლებისთვის ნაცნობ, უსიამოვნო სიტუაციებზე ვსაუბრობთ, საცობში დგომას ვერ გამოვტოვებთ. ეს პროცესი რამდენიმე წუთიდან რამდენიმე საათამდე გრძელდება და რაც უფრო დიდხანს გვიწევს ლოდინი, სიმშვიდის შენარჩუნება მით უფრო რთულია. სწორედ ამიტომ, ხშირად გაიგონებთ და დაინახავთ მოთმინებადაკარგული მძღოლების შეძახილებს, მათ მცდელობას, რომ რიგს "გადააფრინდნენ", ან სულაც, ავარიას სრულიად უძრავ ავტომობილებს შორის.

2. მანქანის ხელოსნებთან დამეგობრება

გაუთვალისწინებელი შემთხვევების გამო მანქანის ხელოსნებთან ალბათ ათობით საათი გაგვიტარებია და არ არსებობს მძღოლი, რომლის ტელეფონშიც ვერ შეხვდებით ნომერს — "zauri xadaviki". აქ კიდევ რამდენიმე პრობლემაც იჩენს ხოლმე თავს — რომელ ხელოსანს ეცლება ხვალ და არა მომდევნო თვის მეორე ნახევარში? ვინ გაგვიკეთებს მანქანას ისე, რომ ერთ კვირაში ხელახლა გასარემონტებელი არ გახდეს?

3. მანქანის ნაწილების ლოდინი

თუ გაგიმართლა და სანდო ხელოსანი იპოვე, იცოდე, რომ სიხარული ნაადრევია. ხშირად სასურველი ავტონაწილები სახელოსნოში არაა, ამიტომ დიიიიდხანს გვიწევს ლოდინი, სანამ ხელოსანი მას მოიძიებს, მიიღებს და გააკეთებს. გინდათ, უარესიც გითხრათ? — ზოგჯერ ავტონაწილები არც კი იშოვება ქვეყანაში.

თუმცა განახლებული Myparts.ge ამ პრობლემას უსწრაფესად მოგიგვარებს. პლატფორმაზე შეგიძლია შეიძინო ავტონაწილები ფიზიკური პირებისგან ან ონლაინ მაღაზიებისგან, მოიძიო სასურველი ავტონაწილი ე.წ. "დაშლილების" კატეგორიაში, მოითხოვო ექსპერტის დახმარება, გაეცნო ავტომომსახურებებს, ისარგებლო მიტანის სერვისით, ან თავად გაყიდო ავტომობილის მეორადი ნაწილები.

4. პარკირება და მასთან დაკავშირებული სირთულეები

არა, აქ პარალელური პარკირების სირთულეზე არ გიყვებით. უბრალოდ, ყველა მძღოლმა იცის, რომ ქალაქში თავისუფალი ადგილის მოძებნა რთულია. ეს ის სიტუაციაა, რომლის დროსაც არანაკლები გაუთვალისწინებელი შემთხვევები ხდება. პარკინგიდან კი ისევ ხელოსანთან ვბრუნდებით და ეს პროცესი უსასრულო წრეს ემსგავსება, რომელმაც შეუძლებელია, მოთმინება არ დაგაკარგვინოს.

5. მანქანის სეზონური განახლება

ზამთრის ან ზაფხულის საბურავების შერჩევა, ზეთის გამოცვლა, ქიმწმენდა და სხვა წვრილმანი საქმეები ზუსტად მაშინ იჩენს ხოლმე თავს, როცა ხელფასამდე რამდენიმე ათეული ლარი გაქვს შემორჩენილი. ამის გამო ზოგჯერ ავტომობილის სახლში დატოვება და რამდენიმე დღით იმ ტრანსპორტზე "გადაჯდომა" გვიწევს, სადაც ჯდომის რა მოგახსენოთ და, მოხერხებულად დგომაც სანატრელია ხოლმე.

მიუხედავად იმისა, რომ ზემოთ ჩამოთვლილი სიტუაციები სასიამოვნო არავისთვისაა, არსებობს საშუალება, რომელიც ყველა მძღოლის სანდო დამხმარედ იქცევა.

თუ ავტომობილთან დაკავშირებულ პრობლემებს ვეღარ აუდიხარ, Myparts.ge-ს მიმართე და ბევრად მშვიდად მიუჯექი საჭეს.