ცოტა ხნის წინ ტელეწამყვანმა ნანუკა ჟორჟოლიანმა თავის ფეისბუქის გვერდზე დაწერა, რომ ის თავისი ნივთების გაყიდვას და შემოსული თანხით სტუდენტების სწავლის დაფინანსებას აპირებდა.

როგორც აღმოჩნდა, მისმა იდეამ უკვე გამოიღო შედეგი და პირველი სტუდენტი, რომელიც ამ აქციით ისარგებლებს მარიამ ბეროშვილია.

როგორც ნანუკა წერს, მარიამი ილია ჭავჭავაძის სახელობის უნივერსიტეტში, ხელოვნებისა და მეცნიერების ფაკულტეტზე სწავლობს. თუმცა სამწუხაროდ მეორე კურსის ბოლოს მამა გარდაეცვალა, სტრესისა და სწავლის საფასურის გადაუხდელობის გამო კი მან აკადემიური აიღო, თუმცა მოგვიანებით, მას მეგობარმა თანხა ასესხა და თებერვალში სწავლა გააგრძელა. მეორე კურსიც წარმატებით დახურა და ვალის გასტუმრების მიზნით სამსახური დაიწყო. ამას სხვა სამწუხარო ამბავიც დაემთხვა, 7ოქტომბერს მარიამის ძმა ავარიაში მოყვა და ახლა მარიამი თავის ხელფასს მის რეაბილიტაციას ახმარს.

თუმცა ამიერიდან, მარიამი სწავლის გაგრძელებას აუცილებლად შეძლებს.

აღსანიშანვია, რომ შოუბიზნესის წარმომადგენლების მხრიდან სტუდენტების დაფინანსება მთელს მსოფლიოში გავრცელებულია, მაგალითისთვის შეგვიძლია მოვიყვანოთ ნიკი მინაჟი, რომელმაც ტვიტერის საშუალებით უკვე ოცდაათ მოქმედ და ყოფილს სტუდენტს გადაუხადა სწავლის საფასური და სწავლასთან დაკავშირებული სხვა ხარჯებიც დაუფარა.