თუ თქვენ გაქვთ მაღალი აკადემიური მოსწრება, მაგრამ სწავლის საფასურის გადახდა გიჭირთ, შესაძლოა ნიკი მინაჟი დაგეხმაროთ! ეს ხუმრობა არ გეგონოთ, მართლა ასეა.

საქმე ისაა, რომ გრემის მფლობელმა რეპერმა შაბათ ღამით თავისი Twitter-ის გვერდზე ნამდვილი ქველმოქმედების საღამო მოაწყო. პირველად, ნიკი მინაჟმა თავის გვერდზე დაწერა, რომ ვინც კონკურსში გაიმარჯვებდა, მას Billboard Music Awards-ზე მასთან ერთად გასამგზავრებელ თვითმფრინავის ბილეთს უყიდდა. ამ დროს კომენტარებში ერთ-ერთმა მისმა გულშემატკივარმა დაწერა "სწავლის ფულს ხომ არ გადამიხდიდიო?", რაზეც ნიკი მინაჟი არათუ დათანხმდა, არამედ დახმარება, საჭიროებისამებრ, სხვებსაც შესთავაზა.

ერთადერთი მოთხოვნა, რაც ნიკი მინაჟმა დააწესა, მაღალი აკადემიური მოსწრება იყო. მათ, ვისაც 4.0 GPA ჰქონდათ და ამის დამადასტურებელ საბუთს წარმოადგენდნენ, რეპერი სწავლის ფულის გადახდას დაჰპირდა.

მთელი საღამოს განმავლობაში ნიკი მინაჟმა ოცდაათ მოქმედ და ყოფილს სტუდენტს გადაუხადა სწავლის საფასური და სწავლასთან დაკავშირებული სხვა ხარჯებიც დაუფარა. ბოლოს კი, რეპერი თაყვანისმცემლებს დაჰპირდა, რომ ასეთ საღამოს ერთ ან ორ თვეში კიდევ მოაწყობს.

"მაჩვენეთ თქვენი უნივერსიტეტის მიერ დადასტურებული თქვენი უმაღლესი შეფასებები და თქვენი სწავლის ფულს გადავიხდი", - დაწერა ნიკი მინაჟმა.

პირველი თხოვნა, რომლითაც რეპერს მისმა გულშემატკივარმა მიმართა, ასეთი იყო:

"ნიკ, გთხოვ დამეხმარე, მასაჩუსეტსის ტექნოლოგიური უნივერსიტეტის საზაფხული პროგრამისთვის $350 მჭირდება", - წერდა მომხმარებელი.

როგორც ხედავთ, თხოვნას თან ახლავს თაყვანისმცემლის აკადემიური მოსწრების დამადასტურებელი ფოტო.

რეპერმა თავისი ფანის თხოვნა მომენტალურად შეასრულა.

"რა თქმა უნდა!" - მისწერა მინაჟმა მას.

ერთ-ერთმა მომხმარებელმა გრემის მფლობელ რეპერს თავისი ქულები წარუდგინა და სამი წლის გადასახდელის შესახებ შესჩივლა.

რაზეც ნიკი მინაჟმა პირდაპირ ჰკითხა თუ რამდენი სჭირდებოდა მას.

ნიკი მინაჟს დახმარებისთვის ყოფილმა სტუდენტებმაც მიმართეს. მათ სტუდენტური ვალის დაფარვაში სჭირდებოდათ დახმარება. ნიკიმ არც მათ აწყენინა.

"$500 მაქვს სტუდენტური ვალი დარჩენილი. მარტოხელა დედამ გაგვზარდა მე და ჩემი პატარა ძმა და ძალიან დაგვეხმარებოდი", - წერს ერთ-ერთი მათგანი.

ამ თხოვნაზე ნიკიმ მოკლედ უპასუხა, რომ მისთვის ყველაფერი გასაგებია.

ნიკი მინაჟს სხვა სტუდენტური ხარჯების შესახებაც მიმართეს. ნიკისთვის არც ეს ყოფილა პრობლემა. ის უბრალოდ ბედნიერი იყო ადამიანების დახმარებით.

ამ ბიჭმა სასწავლო მიზნებისთვის ნიკი მინაჟს კამერის შესაძენად სთხოვა დახმარება და რეპერმა არც ის დატოვა უყურადღებოდ.

"რა თქმა უნდა! რა ღირს კამერა?" - უპასუხა ნიკი მინაჟმა.

საბოლოო ჯამში, ნიკი მინაჟმა მთელი საღამოს განმავლობაში ოცდაათი ახალგაზრდა გაახარა და ცხოვრების ერთ-ერთი ყველაზე მძიმე ტვირთისგან გაათავისუფლა.

ბოლოს კი, რეპერი თაყვანისმცემლებს დაჰპირდა, რომ იმავეს ერთ ან ორ თვეში კიდევ გაიმეორებდა.

ყველა შესრულებული თხოვნის სანახავად, გადადით ბმულზე.