შეიძლება კაპიტანი ამერიკა მტრების წინააღმდეგ სხვადასხვა ილეთებს იყენებს, თუმცა როცა საქმე ფოტოს გადაღებას ეხება, კრის ევანსი სითამამითა თუ ორიგინალურობით არ გამოირჩევა. როგორც ჩანს, მსახიობმა თითქმის არასდროს იცის, ხელები სად წაიღოს, ამიტომ ხშირად უბრალოდ ჯიბეებში ხელებჩაწყობილი დგას.

დისნეის ახალი ანიმაციური ფილმის, Lightyear-ის ვარსკვლავი ცოტა ხნის წინ დისნეილენდს ესტუმრა და ფოტოებიც გადაიღო. კრისი იმდენად უხერხულად დგას, გადაწყვიტა, ხალხი დაერწმუნებინა, რომ ფოტოშოპი არ გამოუყენებია.

"გარწმუნებთ, ჩაფოტოშოპებული არ ვარ. უბრალოდ ძალიან მკაცრი პოზა მაქვს. და არ ვიცი, ხელები სად წავიღო"

რა თქმა უნდა, მალე კრის ევანსის ფოტო მხიარული ფანების ხელში აღმოჩნდა:

ფოტო: Getty Images

ფოტო: Getty Images

ფანებმა კრისს ძველი ფოტოებიც ამოუქექეს და დაარწმუნეს, რომ ფოტოების გადასაღებად ახალი პოზა სჭირდება.