5 ივნისს, ევროპის მინი ფეხბურთის ჩემპიონატზე — MFC EURO2022 — სლოვაკეთის ქალაქ კოშიცეში, საქართველოს ეროვნულმა ნაკრებმა პირველი გამარჯვება მოიპოვა მონტენეგროს ნაკრებთან.

მონტენეგრო ჯგუფის ფავორიტად მიიჩნეოდა, მაგრამ საქართველოს ნაკრებმა დამაჯერებელი ანგარიშით 2:0 დაამარცხა. ორივე გოლი FC PSP-ის და ამჟამად საქართველოს ნაკრების თავდამსხმელმა გიორგი აფციაურმა გაიტანა.

ფოტო: PSP

საქართველოს ეროვნული ნაკრების ბირთვი FC PSP-ის მოთამაშეებით არის დაკომპლექტებული, ნაკრების მთავარი მწვრთნელი ბესარიონ არველაძე ასევე არის ეროვნული ლიგის გამორჩეული და PSP-ის გუნდის მწვრთნელი.

6 ივნისს საქართველოს ეროვნული ნაკრები მეორე მატჩს ბულგარეთთან გამართავს.