უკრაინის პრეზიდენტის ადმინისტრაციის უფროსის მრჩეველის, მიხაილო პოდოლიაკის განცხადებით, სანამ ვინმე ითხოვს, რომ რუსეთი არ დაამცირონ, კრემლი ახალ მზაკვრულ თავდასხმებს მიმართავს.

"სანამ ვინმე ითხოვს, რომ არ დამცირდეს რუსეთი, კრემლი ახალ მზაკვრულ თავდასხმებს მიმართავს. დღეს კიევზე სარაკეტო თავდასხმას ერთი მიზანი ჰქონდა — დახოცონ რაც შეიძლება მეტი უკრაინელი. თითოეულ ტერორისტულ თავდასხმაზე უნდა იყოს მკაცრი პასუხი ევროპისგან: მეტი სანქციები, მეტი იარაღი", — წერს პოდოლიაკი.

4 ივნისს საფრანგეთის პრეზიდენტმა, ემანუელ მაკრონმა განაცხადა, რომ პუტინის ისტორიული შეცდომის მიუხედავად, რუსეთი არ უნდა დამცირდეს. მისი თქმით, სასიცოცხლოდ მნიშვნელოვანია, რომ უკრაინაში ომის შეწყვეტის დიპლომატიური გამოსავალი მოიძებნოს და დასძენს, რომ სჯერა, კონფლიქტის დასასრულებლად შუამავლის როლს პარიზი შეასრულებს.