პარლამენტის თავმჯდომარე, შალვა პაპუაშვილი ამბობს, რომ უკრაინის პრეზიდენტს, ვოლოდიმირ ზელენსკის პარლამენტში ჩართვის სურვილი არასდროს გამოუთქვას. მისი თქმით, ეს ნაციონალური მოძრაობის ინიციატივა იყო.

"მე მგმონი, ყველას დაავიწყდა, რომ პრეზიდენტ ზელენსკის არც არასდროს გამოუთქვამს სურვილი პარლამენტს ჩართვოდა. თუ ყველას გახსოვთ, ეს გახლდათ ნაციონალური მოძრობის იდეა. მე არ ვიცი საერთოდ ეს საკითხი საიდან დადგა, ვინაიდან, არ ყოფილა არცერთი მომენტი, როდესაც მას ჰქონდა ასეთი სურვილი გამოთქმული", — ამბობს ის.

გუშინ, 2 ივნისს პრეზიდენტმა, სალომე ზურაბიშვილმა განაცხადა, რომ უკრაინის პრეზიდენტი ვოლოდიმირ ზელენსკი მორალური სოლიდარობის ნიშნად საქართველოს პარლამენტში სიტყვით გამოსასვლელად უნდა მოგვეწვია.

ომის დაწყების შემდეგ ზელენსკიმ არაერთი ქვეყნის პარლამენტს მიმართა, მათ შორის, გერმანიის, იაპონიის, შვედეთის, ფინეთისა და ა.შ.