სახელმწიფო დეპარტამენტმა გამოაქვეყნა საქართველოს საერთაშორისო რელიგიური თავისუფლების 2021 წლის ანგარიში, სადაც საუბარია 5 ივლისის ძალადობაზე, სუს-ის კრებსებზე და სხვა.

"სექტემბერში ინტერნეტში გამოქვეყნდა და მედიის მიერ ფართოდ გაშუქდა დოკუმენტები, რაც ასახავდა იმას, რომ სახელმწიფო უსაფრთხოების სამსახური რელიგიურ ლიდერებს, მათ საუბრებს პოლიტიკურ პირებთან, ჟურნალისტებთან, უცხოელ დიპლომატებთან, უთვალთვალებდა. მთავრობამ უარყო დოკუმენტების ლეგიტიმურობა, თუმცა ზოგიერთმა რელიგიურმა ლიდერმა, ჟურნალისტმა და სხვა პირებმა დაადასტურეს და თქვეს, რომ ამ თვალთვალს უარყოფითი ჰქონდა რელიგიურ თავისუფლებაზე, ვინაიდან დადასტურდა ეჭვი, რომ სახელმწიფო უსაფრთხოების სამსახური რელიგიური ჯგუფების საქმიანობაზე მონიტორინგს ახორციელებდა", — აღნიშნულია ანგარიშში.

სახელმწიფო დეპარტამენტის ანგარიშში, ასევე, ნახსენებია დმანისში მომხდარი დაპირისპირება, რომელმაც ძალადობრივი სახე მიიღო და ჰქონდა, როგორც ეთნიკური, ისე რელიგიური განზომილება.

ანგარიშში განხილულია გასულ წელს ივლისში რუსთაველის გამზირზე მომხდარი ძალადობა.

"თბილისი პრაიდმა გააუქმა მარში იმ დღეს, როდესაც უნდა გამართულიყო, ვინაიდან დაახლოებით 3 000 მოძალადე ულტრამემარჯვენე, მათ შორის საქართველოს ეკლესიის მღვდლები, ჟურნალისტებს თავს დაესხნენ, გაანადგურეს თბილისი პრაიდის ოფისი", — ამბობენ ისინი.

ამას გარდა, სახელმწიფო დეპარტამენტის ანგარიშში აღნიშნულია, რომ ძალადობრივი და პრორუსული ალტ-ინფოს ეთერში არაერთხელ გაჟღერდა ანტითურქული მოწოდებები, მათ შორის გაშუქდა გურამ ფალავანდიშვილის მიერ 29 მარტს გაკეთებული განცხადება.

ანგარიშში, ასევე, ვკითხულობთ, რომ წყაროების ცნობით, რუსეთის მართლმადიდებლური ეკლესია სეპარატისტული ეკლესიების ავტოკეფალიურ ამბიციებს ფარულად მხარს უჭერდა.