თბილისის საქალაქო სასამართლომ განზრახ მკვლელობისთვის ბრალდებული ს.ე. დამნაშავედ სცნო და 10 წლით და 6 თვით თავისუფლების აღკვეთა განუსაზღვრა.

პროკურატურის ცნობით, სასამართლომ დაადასტურა რომ 2015 წლის 1 ოქტომბერს, დაახლოებით 23:30 საათზე, თბილისში, ბაბუციძის ქუჩაზე, ნასვამ მდგომარეობაში მყოფმა პირმა ოჯახური კონფლიქტის შედეგად წარმოქმნილი ურთიერთშელაპარაკების ნიადაგზე, მეუღლის მამას დანით მიაყენა ჭრილობა გულმკერდის არეში. იგი საავადმყოფოში მიყვანიდან რამდენიმე საათში გარდაიცვალა.

ასევე, სასამართლო პროცესზე დაადასტურეს რომ ბრალდებული დანაშაულის ჩადენიდან მალევე, შემთხვევის ადგილის მახლობლად დააკავეს.