ლუგანსკის რეგიონალური ადმინისტრაციის ხელმძღვანელის, სერგეი გაიდაის ცნობით, აღმოსავლეთ უკრაინაში, სევეროდონეცკის ნაწილს უკვე რუსული არმია აკონტროლებს და ჯარი ეტაპობრივად მიდის ქალაქის ცენტრისკენ. ის უარყოფს ოკუპანტების მტკიცებას, რომ ქალაქი მთლიანად აიღეს.

"სიტუაცია ექსტრემალურად რთულია. სამწუხაროდ, სევეროდონეცკის ნაწილი უკვე რუსული არმიის მიერ კონტროლდება. რამდენიმე დღის წინ მათ თქვეს, რომ მთელი ქალაქი აიღეს, ეს ასე არ არის. ქალაქში ჩვენი ბიჭები არიან. რუსებს არ შეუძლიათ თავისუფლად გადაადგილება", — განაცხადა მან.

მისივე თქმით, რუსეთი არ აკონტროლებს ლისიჩანს-ბახმუტის გზატკეცილს, თუმცა ბომბავს მას. 29 მაისს გაიდაიმ განაცხადა, რომ უკრაინელმა მებრძოლებმა ოკუპანტებს ლისიჩანსკ-ბახმუტის მაგისტრალიდან უკან დაახევინეს და განდევნეს ისინი ტოშკოვკადან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.