სომხეთის პრეზიდენტის, ვაჰაგნ ხაჩატურიანი განცხადებით, სომხეთი დიდ მნიშვნელობას ანიჭებს საქართველოსთან ურთერთობების განვითარებას. მისი თქმით, საქართველოს პრეზიდენტთან ერთად, ტრანსპორტის, კავშირგაბმულობის, კომუნიკაციებისა და ჰუმანიტარული საკითხები განიხილეს.

"განვიხილეთ ინფრასტრუქტურულ პროექტებთან დაკავშირებული საკითხები, რომლებიც მიზნად ისახავს სატრანსპორტო და საკომუნიკაციო საერთაშორისო პროექტებში ჩართვას, მაგალითად, სპარსეთის ყურე — შავი ზღვის საერთაშორისო, სატრანსპორტო დერეფანი. ჩვენ კიდევ ერთხელ დავადასტურეთ ჩვენს მიერ აღებული ვალდებულება, შევინარჩუნოთ არსებული მრავალმხრივი ურთიერთობების მაღალი დონე და ვისაუბრეთ მაღალტექნოლოგიების სფეროში ურთიერთთანამშრომლობის გაღრმავებაზე", — თქვა მან.

სომხეთის პრეზიდენტი, ვაჰაგნ ხაჩატურიანი საქართველოს ოფიციალური ვიზიტით დღეს, 30 მაისს ეწვია. ორბელიანების სასახლეში გამართული შეხვედრის შემდეგ პრეზიდენტებმა ერთობლივი ბრიფინგი გამართეს.