ბრიტანეთის თავდაცვის სამინისტროს დაზვერვის განცხადებით, რუსეთის მცდელობა სანქციების სიმძიმე შეამცირონ, ხაზს უსვამს სტრესს, რომელსაც განიცდიან. ამის შესახებ უწყება Twitter-ზე წერს და აღნიშნავს, რომ კრემლი ცდილობს, გლობალურ სასურსათო უსაფრთხოება თავის სასარგებლოდ გამოიყენოს.

"რუსეთმა აჩვენა, რომ მზადაა, გლობალური სასურსათო უსაფრთხოების ბერკეტები თავისი პოლიტიკური მიზნების სასარგებლოდ გამოიყენოს და შემდეგ, საკუთარი თავი გონივრულ აქტორად წარმოაჩინოს, ხოლო ნებისმიერი წარუმატებლობის შემთხვევაში, დასავლეთი დაადანაშაულოს. რუსეთის მცდელობა, რომ საერთაშორისო სანქციების სიმძიმის შემცირებას მიაღწიოს, ხაზს უსვამს სტრესზე, რომელსაც ეს სანქციები რეჟიმს აყენებს", — აღნიშნულია განცხადებაში.

25 მაისს უკრაინის საგარეო საქმეთა მინისტრმა, დმიტრო კულებამ აღნიშნა, რომ რუსეთი უკრაინის სურსათის ექსპორტის განბლოკვის სანაცვლოდ, მსოფლიოს სანქციების მოხსნის მოთხოვნით აშანტაჟებს. მისი თქმით, ნებისმიერმა, ვინც ამაზე დათანხმებას ფიქრობს, ჯერ მოკლული უკრაინელი ბავშვების საფლავები უნდა ნახოს და მათ მშობლებს გაესაუბროს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.