მსახიობობა ნამდვილად რთული პროფესიაა: პერსონაჟის ხასიათის, ხმის, გარეგნობისა და სხვა მახასიათებლების შეთავსება მხოლოდ მცირე ჩამონათვალია იმისა, რაც მსახიობებს გადასაღებ მოედანზე მოეთხოვებათ. ხანდახან ისინი როლებში ზედმეტად "იჭრებიან" და დუბლიორებზეც უარს ამბობენ — შედეგად საშიშ სცენებში მონაწილეობენ და ჯანმრთელობასა და სიცოცხლეს საფრთხეში იგდებენ.

ამ სტატიაში 10 მსახიობს წარმოგიდგენთ, რომელიც ფილმის გადაღებისას მძიმედ დაშავდა ან სიკვდილს ძლივს გადაურჩა:

1. Cast Away-ის გადაღებების დროს ტომ ჰენკსს ინფექცია შეეჭრა და სიკვდილს ძლივს გადაურჩა

Cast Away-ის გადაღებებზე ტომ ჰენკსი საკუთარი გმირის უკეთ განსასახიერებლად ბანაობაზე უარს ამბობდა. გადაღებებზე მან ფეხი გაიჭრა და ჭრილობა გაუსივდა. თავიდან ტომმა მას ყურადღება არ მიაქცია, თუმცა მალე ექიმს მაინც ანახა. ექიმმა მსახიობი მაშინვე საავადმყოფოში გადაიყვანა, რათა ინფექციას არ მოეკლა.

2. სილვესტერ სტალონემ დოლფ ლუნდგრენის დარტყმის გამო საავადმყოფოში 9 დღე გაატარა

Rocky IV-ის გადაღებებზე სილვესტერ სტალონეს უნდოდა, რომ ჩხუბის სცენები ბუნებრივი ყოფილიყო, ამიტომ დოლფ ლუნდგრენს უთხრა, რომ იმპროვიზაციისთვის მიემართა. დოლფის დარტმის შედეგად სტალონე საავადმყოფოში 9 დღე იწვა.

3. Bruised-ის გადაღებებზე ჰალი ბერიმ ორი ნეკნი გაიტეხა

ფილმში ჰალი ბერისთან ერთად MMA-ის პროფესიონალი მებრძოლი ვალენტინა შევჩენკოც მონაწილეობდა, რომელმაც მსახიობს ორი ნეკნი გაუტეხა.

4. აილა ფიშერი Now You See Me-ის გადაღებებზე დახრჩობას ძლივს გადაურჩა

ისლა ფიშერმა წყალქვეშ სცენის გადაღებისას თავის გათავისუფლება და ამოყვინთვა ვერ შეძლო, სხვა მსახიობებს და გადამღებ ჯგუფს კი ეგონათ, რომ ისლა უბრალოდ თამაშობდა. საბედნიეროდ, მსახიობი მალევე ამოიყვანეს.

5. ნატალი პორტმანმა Black Swan-ის გადაღებებზე ნეკნი იღრძო

ნატალის თქმით, სამედიცინო დახმარება მხოლოდ მას შემდეგ მიიღო, რაც რეჟისორმა სცენის გადაღება დაასრულა. ფილმში ის სცენა, რომელშიც ნატალის პერსონაჟს პროფესიონალი სინჯავს, რეალურია.

6. Mission Impossible 6-ის გადაღებაზე შენობიდან შენობაზე გადახტომისას ტომ კრუზმა კოჭი მოიტეხა

კოჭის მოტეხვის მიუხედავად, მსახიობმა სირბილი განაგრძო, რათა სცენის გადაღება დაესრულებინა. სცენა ფილმში მართლაც მოხვდა.

7. დილან ო'ბრაიენი მოძრავი მანქანიდან გადმოვარდა და გვერდით მომავალი მანქანა დაეტაკა

Maze Runner: The Death Cure-ის გადაღებები დილანისთვის მარტივი სულაც არ ყოფილა. ამ ინციდენტმა მსახიობს ტვინის შერყევა, სახის მოტეხილობები და მენტალური ტრავმა დაუტოვა. დილანი რეაბილიტაციას თვეების განმავლობაში გადიოდა.

8. დენიელ დეი ლუისს ფილტვების ანთება დაემართა, რადგან კადრს მიღმა ქურთუკს არ იცვამდა

Gangs of New York-ის გადაღებებზე დენიელ დეი ლუისი კადრს მიღმა თბილი ქურთუკის ჩაცმაზე უარს ამბობდა, რადგან ფილმში მოქმედება 1860-იან წლებში მიმდინარეობდა, იმ დროს კი ასეთი ქურთუკები არ არსებობდა.

9. The Rhythm Section-ის გადაღებებზე ბლეიკ ლაივლიმ ხელი ისე დაიზინა, რომ 6 თვე მკურნალობდა

ბლეიკის თქმით, ცალ ხელზე უამრავი მოტეხილობა ჰქონდა და კიდური, ფაქტობრივად, დამსხვრეული იყო.

10. ჯერემი რენერი 6 მეტრის სიმაღლიდან ჩამოვარდა და ორივე ხელი მოიტეხა

ჯერემის ინციდენტის მიუხედავად, Tag-ის გადაღებები არ შეჩერებულა, რადგან მსახიობი იმავე საღამოს დაბრუნდა. ფილმში ზოგიერთი სცენა კომპიუტერული გრაფიკის დახმარებით დაარედაქტირეს, რათა ჯერემის თაბაშირის სახვევები არ გამოჩენილიყო.