მსახიობმა ევა გრინმა ამბერ ჰერდთან კონფლიქტში ჯონი დეპს სოციალურ მედიაში ღიად დაუჭირა მხარი. "ეჭვი არ მეპარება, რომ ჯონი დეპი რეპუტაციას აღიდგენს, ხოლო მისი კარგი სახელისა და მშვენიერი გულის წყალობით, ცხოვრება მისთვის და მისი ოჯახისთვის იმაზე უკეთესი იქნება, ვიდრე ოდესმე იყო", — წერს ევა გრინი თავის ინსტაგრამზე.

გრინმა Dark Shadows-ის პრემიერაზე ჯონი დეპთან ერთად გადაღებული ფოტოც გამოაქვეყნა და მსახიობის მიმართ საჯარო მხარდაჭერა სწორედ ამ გზით გამოხატა.

ევა გრინი ერთ-ერთია იმ ცნობილ ადამიანთაგან, რომლებმაც ჯონი დეპს მხარი საჯაროდ დაუჭირა. ამერიკელმა კომიკოსმა ბილ ბარმაც თავის პოდკასტში Monday Morning Podcast ჯონი დეპის მიმართ მხარდაჭერა გამოხატა.

"რაც ვნახე, ჯონი დეპი განადგურებულია. მაგრამ კარგია, რომ როგორც იქნა, ის ქალი ტყუილში ამხილა. მაინტერესებს, ის ხალხი, ვინც მისი [ჰერდის] ტყუილები დაიჯერა, როგორმე მაინც თუ მოიხდის ბოდიშს", — განაცხადა ბილ ბარმა.

გარდა ამისა, ბილი ბარის აზრით, საზოგადოებამ ჯონი დეპს ბოდიში საჯაროდ უნდა მოუხადოს, თუ მსახიობი სასამართლო პროცესს მოიგებს. მისი თქმით, ხალხმა დეპი "საჯაროდ გალანძღა და კარგი იქნება, თუ მას საჯაროდვე მოუხდიან ბოდიშს, შემდეგში კი დასკვნებს ნაჩქარევად არ გამოიტანენ".

ჯონი დეპისა და ამბერ ჰერდის სასამართლო პროცესს კომიკოსი კრის როკიც გამოეხმაურა. კომიკოსმაც ჯონი დეპს დაუჭირა მხარი და ამბერ ჰერდი საჯაროდ გააკრიტიკა. "დაუჯერეთ ყველა ქალს, ემბერ ჰარდის გარდა! როგორც კი შენ ვინმეს საწოლში მოუსაქმებ, შენ დამნაშავე ხარ ყველგან და ყველაფერში", — ამბობს როკი. შეგახსენებთ, რომ ჯონი დეპისა და ამბერ ჰერდის სასამართლო პროცესი ისევ გრძელდება.

ასევე იხილეთ: