ლეგენდარულ ამერიკელ მსახიობებს გოლდი ჰოუნსა და მის პარტნიორს კურტ რასელს ჰოლივუდის ბულვარზე ვარსკვლავები ერთმანეთის გვერდით გაუხსნეს.

ცერემონიას გოლდის შვილი, ჰოლივუდის ვარსკვლავი ქეით ჰადსონი და მათი მეგობარი, რიზ უიზერსპუნი ესწრებოდნენ.

ფოტო: Jesse Grant/Getty Images for Disney

"გოლდი, შენ ჩემი ლამაზი ცხოვრება ხარ, მე შენზე ვლოცულობ. ვერც ეს ვარსკვლავი აქ და ვერც ვარსკვლავები ცაზე ვერ აღწერს იმას თუ როგორი ხარ შენ, არავინ და არაფერი არ არსებობს მსოფლიოში იმაზე ძვირფასი, ვიდრე შენ ხარ ჩემთვის. მე შენ მიყვარხარ!", - მიმართა სიტყვით გამოსვლის დროს კურტ რასელმა გოლდი ჰოუნს.

სიტყვით გამოვიდა მსახიობი რიზ უიზერსპუნიც.

"ჩემს კარიერაში ყველა მნიშვნელოვანი გადაწყვეტილება იწყებოდა კითხვით - ნეტავ გოლდი რას იზამდა ახლა? თვის დროზე სწორედ ამ კითხვაზე პასუხის გაცემის შემდეგ დავთანხმდი მონაწილეობა მიმეღო ქერათმიან ადვოკატში. კურტი და გოლდი იმ იშვიათ ადამიანთა შორის არიან, რომლებსაც შემიძლია ვენდო და მეტიც, საკუთარი სიცოცხლე ვანდო. დიდი მადლობა რომ გვაბედნიერებთ. გოლდი, შენ ჩემი ცხოვრება შეცვალე და მე შენ მიყვარხარ", - თქვა რიზ უიზერსპუნმა.

გოლდი და კურტი დაქორწინებულები არ არიან, თუმცა მათი ურთიერთობა 30 წელზე მეტს ითვლის.