პროკურორი, ჯარჯი წიკლაური ციანიდის საქმის განხილვის ღიაობას არ ეთანხმება, მის დახურვას მოითხოვს და აცხადებს, რომ არ შეიძლება სასამართლო პროცესის ტელეეთერებში გადატანა. ამის შესახებ მან ჯერ კიდევ პროცესის დაწყებამდა უთხრა ჟურნალისტებს:

"როგორც იცით, ამ საქმესთან დაკავშირებით ჩვენ უპრეცედენტოდ დიდი ოპერატიული მასალა გავასაჯაროვეთ, მაგრამ ეს არ ნიშნავს, რომ სრული სამართალწარმოება, სასამართლო და გამოძიება ჩვენ გადავიტანოთ ტელეეთერებში. თუ ადვოკატებს რამე მტკიცებულება აქვთ, წარმოადგინონ და აქ გავცემთ მათ დასაბუთებულ პასუხს."

წინასასამართლო სხდომის დაწყებისთანავე კი, პროკურორმა სხდომის დახურვის შუამდგომლობა დააყენა. მისივე თქმით, მიზანშეუწონელია საჯაროდ განხილვა ისეთი საკითხების, რაც სასამართლოზე გახდება ცნობილი. დაცვის მხარემ მის საპასუხოდ თქვა, რომ სასამართლოს დახურვის საფუძველი არ არსებობს, რადგან პროკურატურამ მტკიცებულებები ისედაც გაასაჯაროვა. მამალაძის ადვოკატები ამბობენ, რომ პროცესის დახურვა მართლმსაჯულების სისტემის გამჭვირვალობას ეწინააღმდეგება.

თბილისის საქალაქო სასამართლოში დღეს იმართება დეკანოზ გიორგი მამალაძის საქმის წინასასამართლო სხდომა. ადვოკატები მოითხოვენ, რომ მამალაძეს აღკვეთის ღონისძიება პატიმრობა, შეეცვალოს გირაოთი და ასევე, სასამართლო იყოს ღია.

გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად.