გარემოს ეროვნული სააგენტოს ინფორმაციით, საქართველოში 19 მაისს დღის მეორე ნახევრიდან 21 მაისამდე დროგამოშვებით წვიმა და ელჭექია მოსალოდნელი. მათივე ცნობით, დასავლეთის მიმართულებით ძლიერი ქარი იქროლებს, ხოლო აღმოსავლეთ საქართველოში ზოგან შესაძლებელია სეტყვა.

"მოსალოდნელმა ნალექებმა შესაძლებელია საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრული პროცესების ჩასახვა-გააქტიურება გამოიწვიოს", — ამბობენ სააგენტოში.