ამერიკის შეერთებული შტატების შეფასებით, რუსეთმა ათასობით უკრაინელი გაგზავნეს ე.წ ფილტრაციის ცენტრებში ხოლო ათობით ათასის რუსეთში გაიყვანეს. ეუთოში აშშ-ს ელჩმა, მაიკლ კარპენტერმა ისაუბრა, რომ იძულებით გადაადგილება და ძალადობა, რომელსაც აწყდებიან ეგრეთ წოდებული ფილტრაციის ცენტრებში, ომის დანაშაულია.

"თვითმხილველთა მრავალრიცხოვანი ჩვენებები მიუთითებს, რომ "გაფილტვრა" გულისხმობს ადამიანების ცემას და წამებას, რათა დადგინდეს არიან თუ არა ისინი უკრაინული სახელმწიფოს მიმართ ერთგულები", — თქვა კარპენტერმა.

მისი თქმით, ფილტრაციის ე.წ ფილტრაციის ცენტრები უკრაინის აღმოსავლეთითაა. ამ პუნქტების გავლის შემდეგ კი მოქალაქეები რუსეთში გადაჰყავთ. კარპენტერმა აღნიშნა ისიც, რომ ბანაკებში მოხვედრილ ადამიანებს დეტალურ შემოწმებას უტარებენ, მათზე ინფორმაციას აგროვებენ და ხშირად პირად დოკუმენტებსა და ნივთებს ართმევენ.

"რუსეთის ჯარისკაცები დაზარალებულებს ფოტოებს სხვადასხვა კუთხიდან უღებენ, იღებენ თითის ანაბეჭდებს და ფიზიკურ შემოწმებას უტარებენ ტატუების აღმოსაჩენად, ამოწმებენ მათ ტელეფონებს, იწერენ მათ კონტაქტებსა და ინფორმაციას და აგროვებენ ინფორმაციას. ზოგიერთ შემთხვევაში, რუსი ჯარისკაცები მათ პასპორტებს, საიდენტიფიკაციო დოკუმენტებსა და ტელეფონებს ართმევენ", — ამბობს კარპენტერი.

მისივე თქმით, რუსეთში ყოფნისას, გადარჩენილები აცხადებენ, რომ უკრაინის ზოგიერთ მოქალაქეს უფლება აქვს დარჩეს რუსეთში მცხოვრებ მეგობრებთან და ოჯახთან, მაგრამ ფულის ან საბუთების გარეშე ადამიანები ასობით მილის მოშორებით ქალაქებში მიმავალი მატარებლებში ათავსებენ, რათა რუსეთის ხელისუფლებამ დაასაქმოს. მან დაამატა.

CNN-ის აპრილში ჩატარებულმა გამოძიების მიხედვით, რუსეთის ძალებსა და სეპარატისტებს მარიუპოლის მოსახლეობა მიჰყავდათ ე.წ ფილტრაციის ცენტრში, რომელიც შეიქმნა ბეზიმენში, სადაც ისინი დარეგისტრირებულნი იყვნენ რუსეთში გაგზავნამდე, ბევრი მათი ნების საწინააღმდეგოდ.

უკრაინის მთავრობისა და მარიუპოლის ადგილობრივი ოფიციალური პირები აცხადებენ, რომ ომის დაწყების შემდეგ ათიათასობით უკრაინის მოქალაქე იძულებით იქნა დეპორტირებული დონეცკის სახალხო რესპუბლიკასა და რუსეთში.