ოკუპირებული ხერსონის დე ფაქტო ადმინისტრაციის ხელმძღვანელი კირილ სტრემოუსოვის განცხადებით, აპირებენ, უახლოეს მომავალში ვლადიმერ პუტინს რუსეთის ფედერაციაში შესვლის თხოვნით მიმართონ.

მარიონეტული ადმინისტრაციის უფროსი, ამტკიცებს, თითქოს ხერსონი რუსეთია.

"ხერსონის ოლქის ტერიტორიაზე ხერსონის სახალხო რესპუბლიკა არ შეიქმნება, რეფერენდუმი არ იქნება. ვლადიმირ პუტინს ხერსონის რეგიონის რუსეთის ფედერაციის ნაწილად აღიარებას ვთხოვთ", — ციტირებს სტრემოუსოვს BBC-ს რუსული ბიურო.

ამ განცხადებას უკვე გამოეხმაურა უკრაინის პრეზიდენტის ადმინისტრაციის უფროსის მრჩეველი მიხაილო პოდოლიაკი. მისი თქმით, უკრაინის არმია გაათავისუფლებს ხერსონს. ოკუპანტებს შეუძლიათ მარსთან, ან იუპიტერთან შეერთება მოთხოვნონ.

აქამდე რამდენჯერმე გავრცელდა ინფორმაცია, რომ ოკუპირებულ ხერსონში რეფერენდუმის ჩატარება იგეგმებოდა. ხერსონში ხშირად იმართებოდა ანტისაოკუპაციო აქციები, რომლებიც არაერთხელ დაარბიეს.