რეჟისორი, სალომე ჯაში ევროპული კინოაკადემიის წევრი გახდა. ამაზე ჯაში სოციალურ ქსელში წერს.

"სიამაყით მივესალმებით სალომე ჯაშს, აკადემიის ახალ წელს. გილოცავთ!", — აცხადებს აკადემია.

რეჟისორმა, სალომე ჯაშმა გუშინ, 28 აპრილს გაავრცელა განცხადება, რომ კინოაკადემიამ მისი დოკუმენტური ფილმის, მოთვინიერების სეანსები გააუქმა. ჯაშის განცხადებით, კინოაკადემიის დირექტორმა სეანსების გაუქმების მიზეზად განმარტა, რომ მათთვის მიუღებელია აჩვენონ "ნაწარმოები, რომელიც აზრთა სხვაობას იწვევს და საზოგადოებას პოლიტიკური ნიშნით ყოფს".

კინოაკადემიის ხელმძღვანელმა, მინდია ესაძემ რადიო თავისუფლებასთან თქვა, რომ კინოჩვენებების გაუქმების მიზეზი ფილმის შინაარსია.

საქართველოს კინოაკადემიის ხსენებული გადაწყვეტილების შემდეგ, მოთვინიერების ჩვენება ალტერნატიულ სივრცეებში გაგრძელდა.

სალომე ჯაშის დოკუმენტური ფილმის მსოფლიო პრემიერა 31 იანვარს სანდენსის საერთაშორისო კინოფესტივალზე შედგა. ასევე, სურათი ბერლინის საერთაშორისო კინოფესტივალის სექციაში ფორუმი 17 ფილმს შორის მოხვდა. ფილმი ნომინირებული იყო ევროპის კინოაკადემიის ჯილდოზე. ფილმი მოთვინიერება კიევის ყოველწლიური კინოფესტივალის International Human Rights Documentary Film Festival Docudays UA საერთაშორისო სექციის DOCU/WORLD გამარჯვებული გახდა.