ქართული ოცნების დეპუტატმა, გია ვოლსკიმ უკრაინის პრეზიდენტის ადმინისტრაციის მრჩეველს, მიხაილო პოდოლიაკს "უნამუსო" უწოდა. ამის შესახებ კომენტარი მან ფორმულას გადაცემა დროების ჟურნალისტთან გააკეთა.

"რაც შეეხება პოდოლიაკს, მე, მაგალითად, სიტყვა ვიგინდარა, შეიძლება, არ მეთქვას, მაგრამ არის უნამუსო ადამიანი. თუ გაწყობთ, დავამატებ", — განაცხადა მან.

უკრაინის პრეზიდენტის ადმინისტრაციის უფროსის მრჩეველმა, მიხაილო პოდოლიაკმა ამერიკის ხმასთან მიცემულ ინტერვიუში განაცხადა, რომ საქართველო უცნაურად უყურებს უკრაინაში ომს, არ იკავებს მკაფიო და არაორაზროვან პოზიციას.

პოდოლიაკის ინტერვიუზე კომენტარი ქართული ოცნების სხვადასხვა წარმომადგენელემა გააკეთა. დეპუტატმა, ირაკლი ზარქუამ მას "ვიგინდარა", ხოლო თბილისის მერმა, კახა კალაძემ "არსება" უწოდა.

უკრაინაში ხშირად აკრიტიკებენ პარტნიორი ქვეყნის მთავრობის გადაწყვეტილებებს და ხაზს უსვამენ, რომ გულდასაწყვეტია. პასუხად ქართული ოცნება უკრაინის სამთავრობო გუნდს უტევს და მას ნაციონალური მოძრაობასთან კავშირს აბრალებს.

ამავე თემაზე:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში