აგრესორი ქვეყანა, რომელიც უკრაინაში ფართომასშტაბიან ომს აწარმოებს, ოკუპირებული და ანექსირებული აქვს მისი ტერიტორიები, ამტკიცებს, თითქოს უკრაინის ტერიტორიულ მთლიანობას საფრთხეს მეგობარი ქვეყანა, პოლონეთი უქმნის.

ვლადიმერ პუტინის პრესსპიკერი ამბობს, რომ პოლონეთი დიდი ხანია არამეგობრული იყო. მისი აზრით, ფაქტია, რომ ეს შეიძლება იყოს საფრთხე უკრაინის ტერიტორიული მთლიანობისთვის.

"ის, რომ ბოლო თვეებში პოლონეთიდან ძალიან, ძალიან მტრული რიტორიკა მოდის, ეს ტრადიციულია და დიდი ხანია არ არის მეგობრული. მაგრამ ბოლო თვეებში მტრული გახდა. და ის, რომ უკრაინის ტერიტორიული მთლიანობისთვის საფრთხეები შეიძლება მოდიოდეს პოლონეთიდან, ეს ასევე აშკარა ფაქტებია. ამაზე საუბარი იყო, თუ გახსოვთ, ჩვენი საგარეო დაზვერვის სამსახურის უფროსის ბოლო განცხადებაში. ეს აშკარა ფაქტებია", — თქვა მან.

ამ სტატიაში კრემლის პროპაგანდისტულ რიას უკონტექსტოდ მოყვანილი აქვს პოლონეთის პრეზიდენტის, ანდჟეი დუდას ციტატა უკრაინასთან საზღვრების არარსებობის შესახებ. კერძოდ, იმის გამო, რომ პოლონეთი უკრაინას ეხმარება და დიდი რაოდენობით ლტოლვილებს იღებს, ორივე ქვეყნის პრეზიდენტმა აღნიშნა, რომ ეს მეგობრული ჟესტია და ქვეყნებს შორის ფაქტობრივად საზღვრები აღარ არის.

აქვე რია წერს, რომ ბელორუსის პრეზიდენტმა არ გამორიცხა, რუსეთს, უკრაინას და ბელორუსს მოუწიოთ ბრძოლა პოლონეთის წინააღმდეგ, "რომელსაც სურს დასავლეთ უკრაინის აღება". ლუკაშენკოს განცხადებაზე პესკოვმა კომენტარის გაკეთება არ ისურვა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში