გარემოს ეროვნული სააგენტოს განცხადებით, აღმოსავლეთ საქართველოში 29 აპრილის დღის ბოლოდან 3 მაისამდე, დასავლეთ საქართველოში კი 1-2 მაისს დროგამოშვებით ხანმოკლე, ზოგან ძლიერი წვიმა და ელჭექია მოსალოდნელი.

სააგენტოს ცნობით, აღმოსავლეთ საქართველოში ზოგან შესაძლებელია სეტყვა. 2 მაისს დროგამოშვებით იქროლებს დასავლეთის მიმართულების ძლიერი ქარი.

მათივე თქმით, მოსალოდნელმა ნალექმა შესაძლებელია საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრული პროცესების ჩასახვა და გააქტიურება გამოწვიოს.