NATO-ს გენერალური მდივანი, იენს სტოლტენბერგი აცხადებს, რომ ალიანსმა მოლდოვისა და საქართველოს მხარდაჭერა უნდა უზრუნველყოს.

"უკრაინაზე სასტიკი თავდასხმა გვაჩვენებს, რომ საჭიროა NATO-მ უზრუნველყოს მხარდაჭერა იმ ქვეყნებისთვის, რომლებიც NATO-სა და ევროკავშირის წევრები არ არიან, როგორიცაა მოლდოვა და საქართველო. ეს გულისხმობს პრაქტიკულ მხარდაჭერას, პოლიტიკურ მხარდაჭერას. საქართველო ძალიან ღირებული პარტნიორია და ასევე, ევროკავშირთან მჭიდროდ თანამშრომლობს", — ამბობს სტოლტენბერგი.

27 აპრილს დიდი ბრიტანეთის საგარეო საქმეთა მინისტრმა, ლიზ ტრასმა განაცხადა, რომ უნდა უზრუნველყონ, უკრაინასთან ერთად მოლდოვასა და საქართველოსაც ჰქონდეს საკმარისი ძალა და შესაძლებლობები სუვერენიტეტის და თავისუფლების შესანარჩუნებლად.