უკრაინის პრეზიდენტის განცხადებით, არ არიან მზად იმისთვის, რომ ოკუპირებული ქალაქები სამხედრო გზით დაიბრუნონ. მისი თქმით, ქალაქების განბლოკვის მორალური უფლება აქვთ, მაგრამ შესაძლებლობა არა.

"ჩვენ გვაქვს სრული მორალური უფლება ჩვენი ქალაქების სამხედრო განბლოკვის და ვიმედოვნებთ, რომ ამას შევძლებთ.

მზად ვართ ახლა? არა. არავის ენდოთ: ჩვენ არ ვართ მზად სამხედრო განბლოკვისთვის.

და, სხვათა შორის, იმ ბიჭებს, რომლებიც აგრძელებენ მარიუპოლის ამ ნაწილის, აზოვსტალის დაცვას, ვინც იქ არიან ბლოკადაში, ლიდერები, მეთაურები არიან, ვისაც ეს კარგად ესმით. ეს არის რეალობა", — განაცხადა მან.

ზელენსკიმ განაცხადა, რომ ხერსონის დამოუკიდებლობაზე რეფერენდუმის ჩატარებისა და მარიუპოლში მყოფი ხალხის განადგურების შემთხვევაში უკრაინა ყოველგვარი მოლაპარაკების პროცესს დატოვებს. მისი თქმით, 23 აპრილი ერთ-ერთი ყველაზე რთული დღეა ქალაქის მცველებისთვის, რადგან მტერი ისვრის ზღვიდან, ჰაერიდან, ხმელეთიდან. პრეზიდენტმა აღნიშნა, რომ აზოვის მებრძოლებს პრესკონფერენციამდე ერთი საათით ადრე ესაუბრა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში