ვოლოდიმირ ზელენსკის განცხადებით, საქართველოში უკრაინის ელჩს აუცილებლად დააბრუნებენ, როცა იგრძნობენ მხარდაჭერას საქართველოს მთავრობისგან. მან აღნიშნა, რომ არ ესმის ლიდერების პოზიცია სანქციებთან დაკავშირებით.

"ჩვენ აუცილებლად დავაბრუნებთ ელჩს მეგობარ საქართველოში, როგორც კი ვიგრძნობთ უკრაინისადმი მხარდაჭერას თქვენი მთავრობის ლიდერებისგან", — ასე უპასუხა უკრაინის პრეზიდენტმა იმედის ჟურნალისტის კითხვას.

31 მარტს ზელენსკიმ ხელი მოაწერა ბრძანებას მაროკოსა და საქართველოდან უკრაინის ელჩების გაწვევის შესახებ.

"არიან ისეთები, რომლებიც ყველასთან ერთად მუშაობენ სახელმწიფოს დასაცავად და არიან ისეთებიც, რომლებიც ტყუილად კარგავენ დროს და მუშაობენ მხოლოდ იმისთვის, რომ დარჩნენ თანამდებობაზე. არ იქნება იარაღი, არ იქნება სანქციები, არ იქნება შეზღუდვები რუსეთის ბიზნესისთვის — მოძებნეთ სხვა სამუშაო" — თქვა მან.

მანამდე, პირველ მარტს ზელენსკიმ საქართველოდან ელჩი კონსულტაციებისთვის გაიწვია. მაშინ უკრაინის პრეზიდენტმა განაცხადა, რომ ამის მიზეზი სანქციებზე "ამორალური პოზიცია" და უკრაინაში მოხალისეების წასვლაში ხელის შეშლა იყო.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში