CNN-ის ცნობით, საფრანგეთი უკრაინას თვითმავალ საარტილერიო დანადგარს გაუგზავნის. კერძოდ, მედიის განცხადებით, პრეზიდენტის ადმინისტრაციამ დაადასტურა, რომ საუბარია ფრანგული წარმოების CAESAR-ის ტიპის ჰაუბიცებზე.

მათივე განცხადებით, საფრანგეთში 40-მდე უკრაინელი სამხედრო მოსამსახურე ჩავა, რათა აღჭურვილობაზე წვრთნები გაიაროს. ამასთან, CNN ცნობით, უკრაინამ საფრანგეთისგან უკვე მიიღო MILAN-ის ტიპის ტანკსაწინააღმდეგო სისტემა.

ბრიტანეთის პრემიერმინისტრის, ბორის ჯონსონის განცხადებით, რუსეთის ომი უკრაინაში "საარტილერიო კონფლიქტად" გადაიქცევა, ამიტომ ბრიტანეთი უკრაინის დახმარებას გააძლიერებს.

საარტილერიო დახმარების გაზრდაზე კომენტარი გააკეთა აშშ-ის პრეზიდენტმა, ჯო ბაიდენმაც. ჟურნალისტების კითხვაზე, მიაწვდის თუ არა აშშ უკრაინას მეტ არტილერიას, ბაიდენმა დადებითი პასუხი გასცა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში