ევროპული ბაზრისთვის შექმნილი, სრულად ელექტრიფიცირებული ავტომობილი Citroen Ami, რომელიც კომპანია Citroën-მა 2020 წელს გამოუშვა, ქართულ ბაზარზე პირველად გამოჩნდა.

ქარისთვის ავტომობილი თეგეტა ჰოლდინგის შვილობილმა კომპანია ავტო გალერიმ ჩამოიყვანა.

"Citroen Ami ამ ეტაპზე ევროპის მხოლოდ ექვს ქვეყანაშია ხელმისაწვდომი. ჩვენთვის საამაყოა, რომ ეს ელექტრომობილი საქართველოში პირველად ავტო გალერის გუნდმა ჩამოიყვანა. პროცესი არ იყო მარტივი, თუმცა ამ მიმართულებით საკმაოდ დიდი გამოცდილება გვაქვს. მოლაპარაკებებში ჩვენი ევროპელი პარტნიორებიც ჩავრთეთ და პირველ ტრანშს წარმატებით ვახორციელებთ. მაისის ბოლომდე საქართველოში 60 ერთეულის ჩამოყვანას ვგეგმავთ", — აცხადებს გიორგი კობახიძე, ავტო გალერის დირექტორი.

Ami — ესაა პრაქტიკული პასუხი ურბანულ გამოწვევებზე მობილობის ახალ რეალობაში, განსაკუთრებით მოკლე მგზავრობებისთვის. ესაა ქალაქის ცენტრთან უფრო ადვილი წვდომის შესაძლებლობა, სკუტერების, ველოსიპედების, მოპედების, საზოგადოებრივი ტრანსპორტის რეალური ალტერნატივა გონივრულ ფასად.

ნულოვანი ემისია, ნულოვანი ხმაური და ნულოვანი სტრესი მართვისას — ეს ის გამორჩეული მახასიათებლებია, რაც Ami-ის სხვა ავტომობილებისგან განასხვავებს. ელექტროძრავის წყალობით, Ami-ის მყისიერი დაძვრისა და სიჩქარის 45 კმ/სთ-მდე ზრდის შესაძლებლობა აქვს. სრული დამუხტვის შემთხვევაში იგი 75 კმ-მდე მანძილს ფარავს.

ავტომობილის ლითიუმ-იონური ბატარეის 220 ვატი ძაბვით სრულად დამუხტვისთვის 3 საათი სრულიად საკმარისია.

კომპაქტური Citroen Ami 2.41 მ. სიგრძის, 1.39 მ. სიგანისა და 1.52 მ. სიმაღლისაა, რაც მას გადატვირთულ ქალაქში გადაადგილებისა და პარკინგისთვის კიდევ უფრო პრაქტიკულსა და მოსახერხებელს ხდის. ელექტრომობილი იდეალურია ქალაქში მრავალჯერადი, მოკლე მოგზაურობებისთვის, როგორებიცაა შეხვედრები, სამსახური ან თუნდაც საღამოს გასეირნება მეგობრებთან ერთად.

Ami-ის, მისი სიჩქარის მაქსიმალური ოდენობისა და უსაფრთხოების პარამეტრების გათვალისწინებით, ევროპის სხვადასხვა ქვეყანაში მართვის მოწმობა არ ესაჭიროება. საფრანგეთში მისი ტარება 14 წლის მოზარდებსაც შეუძლიათ, საქართველოში კი მისი მართვა 23 წლის ასაკიდან არის დაშვებული და B ან B1 კატეგორიის მართვის მოწმობას საჭიროებს.

ნახევარტონიანი, მსუბუქი, მოსახერხებელი Ami ქარის ავტოპარკში თავად შეგიძლიათ გამოსცადოთ და ევროპული, პრაქტიკული ყოველდღიურობის გამოცდილება გაიზიაროთ.

ავტო გალერი (Auto Gallery) თეგეტა ჰოლდინგში შემავალი კომპანიაა, რომელიც 2018 წელს დაარსდა. მულტიბრენდულ შოურუმში წარმოდგენილია როგორც ახალი, ისე მეორადი დეფიციტური და ექსკლუზიური ავტომობილები. 2020 წელს ავტო გალერი NIU-ს ელექტრომოპედების ოფიციალური პარტნიორი და შემომყვანი გახდა ქართულ ბაზარზე. ბრენდის ერთ-ერთი მთავარი ფასეულობა გარემოზე ზრუნვაა.