მოფლიოს უმსხვილესი კრიპტობირჟა, Binance რუსეთში მცხოვრებლებისთვის შეზღუდვებს აწესებს. უფრო კონკრეტულად, შეზღუდვა წესდება რუსეთში მცხოვრები იმ მომხმარებლებისთვის, რომელთა აქტივების ჯამური ღირებულება 10 000 ევროს აღემატება.

ამის შესახებ უკრაინის ფინანსური ტრანფორმაციის მინისტრმა, მიხაილ ფიოდოროვმა Binance-ის განცხადებაზე დაყრდნობით განაცხადა.

ფიოდოროვი წერს, რომ მომხმარებლები ამ ეტაპისთვის გატანის ფუნქციით სარგებლობას შეძლებენ. შეზღუდვა არ შეეხება მათ, ვინც რუსეთის ფარგლებს გარეთ ცხოვრობს. ამასთან, შეზღუდვა არ ეხება მათაც, ვინც რუსეთში ცხოვრობს, მაგრამ მისი აქტივების ოდენობა არ აღემატება 10 000 ევროს.

Binance აცხადებს, რომ შეზღუდვა შემოღებულია ევროკავშირის მიერ დაწესებული სანქციების მე-5 პაკეტის მიხედვით. კომპანიის განცხადებაში ნათქვამია, რომ ყველა სხვა მსხვილი ბირჟის მუშაობის პრინციპი სანქციების მიერ დაწესებულ შეზღუდვებს უნდა შეესაბამებოდეს.

მარტის ბოლოს ცნობილი გახდა, რომ მსოფლიოს უმსხვილესმა კრიპტობირჟამ, Binance-მა რუსული ბანკები საკუთარი სისტემიდან გამოთიშა.