გაეროს სპიკერის განცხადებით, გაეროს გენერალური მდივანი ანტონიო გუტიერეში მოსკოვში ვლადიმერ პუტინთან, ხოლო უკრაინაში ვოლოდიმირ ზელენსკისთან აუდიენციას ითხოვს, რათა განიხილონ მშვიდობის დამყარების გადაუდებელი აუცილებლობა.

სპიკერის თქმით, სამშაბათს რუსეთისა და უკრაინის მისიებს წერილები გადაეცათ. სპიკერმა აღნიშნა, რომ გუტიერეში ელოდება პასუხებს რუსეთისა და უკრაინის მთავრობებისგან. მანვე თქვა, რომ ჯერჯერობით უცნობია ვინ იქნებიან გაეროს დელეგაციის წევრები და ჩავა თუ არა გენერალური მდივანი ორივე ქვეყანაში.