სამეზობლო პოლიტიკისა და გაფართოების საკითხებში ევროკომისრის, ოლივერ ვარჰეის განცხადებით, საქართველოსა და მოლდოვას ევროკავშირის წევრობის კითხვარს ორშაბათს გადასცემენ. ამის შესახებ ის Twitter-ზე წერს.

"პრეზიდენტმა ურსულა ფონ დერ ლაიენს გუშინ უკრაინას გუშინ გადასცა კითხვარი. საქართველოსა და მოლდოვას კითხვარს ორშაბათს გადავცემ. პასუხები დაეხმარება ევროკომისიას, რათა სამი ქვეყნის განცხადებაზე პოზიცია მოამზადოს, როგორც ამას ევროკავშირის საბჭო ითხოვს", — წერს ის.

გუშინ, 8 აპრილს ევროკომისიის პრეზიდენტმა, ურსულა ფონ დერ ლაიენმა უკრაინის პრეზიდენტ ვოლოდიმირ ზელენსკის ევროკავშირში წევრობის განაცხადთან დაკავშირებული კითხვარი გადასცა. მისი თქმით, ევროკავშირი უკრაინას მხარს დაუჭერს, რათა ქვეყანამ წევრობის კანდიდატის სტატუსი დაჩქარებულად, რამდენიმე კვირაში მიიღოს.

საქართველომ ევროკავშირის წევრობის კანდიდატის სტატუსის მიღებაზე განაცხადს ხელი 3 მარტს მოაწერა.