ქართული ოცნების თავმჯდომარე, ირაკლი კობახიძე ფიქრობს, რომ იმ ფონზე, როდესაც უკრაინის ხელისუფლების მხრიდან "შეურაცხმყოფელი განცხადებები" ისმის, რადას მიერ ბუჩაში მოწვევის გამოგზავნა არარელევანტურია.

"ჩვენ ვისმენთ, სამწუხაროდ, შერაცხმყოფელ განცხადებებს, სახელმწიფოს მიმართ შეურაცხმყოფელ განცხადებებს, უკრაინის ხელისუფლების მხრიდან, რასაც აქვს კონკრეტული მიზეზი, აქ დეტალებში აღარ შევალ, ამ ფონზე, ასეთი მოწვევის გამოგზავნა არის სამწუხაროდ, არარელევანტური", — განაცხადა მან.

8 აპრილს საქართველოში უკრაინის საქმეთა დროებითი რწმუნებულმა, ანდრეი კასინოვმა განაცხადა, რომ რადას თავმჯდომარე ყველა პარლამენტარს, მათ შორის, შალვა პაპუაშვილს ბუჩაში იწვევს, რათა საკუთარი თვალით ნახონ იქ ჩადენილი დანაშაულები. პაპუაშვილის განცხადებით, რიგი "საკითხების განუმარტებლობის ფონზე, ოფიციალური მოწვევა არასათანადოდ ჩანს".

ამავე თემაზე: