ალბათ, კარგად გახსოვს ინტერნეტში გაჩაღებული "ომი", როცა კომპიუტერით გენერირებული ხმა ერთ სიტყვას ამბობდა, ადამიანთა ნაწილს კი სიტყვა yanny (იანნი) ესმოდა, ხოლო დანარჩენებს — სიტყვა laurel (ლორელ). ინტერნეტს ახალი თავსატეხი მას შემდეგ გაუჩნდა, რაც ტვიტერის ერთ-ერთმა მომხმარებელმა ფოტო გამოაქვეყნა, რომელზეც ადამიანები სხვადასხვა რიცხვს ხედავენ.

ფოტოზე შავ-თეთრ ზიგზაგისებურ ფორმაში ჩაწერილი რიცხვები ოპტიკურ ილუზიას ქმნის, რის შედეგადაც ადამიანები განსხვავებულ რიცხვებს ხედავენ. კითხვაზე, თუ რა რიცხვია ფოტოზე გამოსახული, ტვიტერის მომხმარებელთა დიდი ნაწილი ამბობს, რომ მხოლოდ 528-ს ხედავს. თუმცა სხვები ფიქრობენ, რომ ფოტოზე 15283-ია გამოსახული.

სოციალური ქსელების მომხმარებლების შედარებით მცირე ნაწილი ამბობს, რომ ფოტოზე 3452839 ხედავს და როგორც ჩანს, ეს მართლაც სწორი პასუხია. თუ ფოტოს კონტრასტს შეუცვლი, მაშინ მასზე გამოსახული რიცხვებს უფრო მკაფიოდ დაინახავ. ზოგმა კი ყველა რიცხვი მას შემდეგ დაინახა, რაც გამოსახულება უფრო ბუნდოვან ტონალობაში გადაიყვანა.

შენ რა რიცხვს ხედავ ფოტოზე? პასუხი კომენტარებში გაგვიზიარე.

ასევე იხილეთ: