სირცხვილიას ინფორმაციით, 7 მარტს კანცელარიასთან გამართულ უკრაინის სოლიდარობის აქციაზე დაკავებულ აქტივისტებს ჯარიმები დაეკისრათ. მათივე განცხადებით, 3 800 ლარი დაეკისრა ზუკა ბერძენიშვილს, 2 800 ლარი გიორგი მჟავანაძეს, გური გოლიაძეს და ნოდარ რუხაძეს. 2 600 ლარით დააჯარიმეს ალექსანდრე სამხარაძე, 1 000 ლარით კი გიგა მაქარაშვილი.

25 მარტს აქციაზე დაკავებული კიდევ 4 აქტივისტი მარიამ გეგუჩაძე, თათია მელიქიშვილი, გვანცა პერტია და ლიკა ლომიძე დააჯარიმეს — 3 მათგანი 2 200 ლარით, ერთი კი 2 000 ლარით.

იმავე აქციაზე დაკავებული კიდევ ერთი პირი ბაჩი ვალიშვილი 11 მარტს სასამართლომ 3 000 ლარით დააჯარიმა.

7 მარტს კანცელარიასთან აქციაზე რამდენიმე პირი ტუალეტის ქაღალდის სროლისა და ფქვილის შეყრის გამო დააკავეს. 8 მარტს დააკავეს მოძრაობა სირცხვილიას წევრი, შოთა დიღმელაშვილიც, რომელმაც მთავრობის ადმინისტრაციას კვერცხები ესროლა. დიღმელაშვილს სასამართლომ 4-დღიანი პატიმრობა მიუსაჯა.