აშშ-ის ფინანსთა სამინისტრო რუსულ დარქნეთის ბაზარსა და კრიპტოვალუტის ბირჟას, რომლებიც მათი თქმით, ძირითადად მოსკოვსა და სანქტ-პეტერბურგში მუშაობენ, სანქციებს უწესებს.

სანქციები Hydra-სა და კრიპტოვალუტა Garantex-ს დაუწესდა. ახალი სანქციები აშშ-ის მოქალაქეებს უკრძალავს Hydra-სა თუ Garantex-ზე ნებისმიერი კონტრიბუციის, საქონლის ან მომსახურების მიღებას.

ბლოკჩეინის მკვლევარების აზრით, 2019 წელს რუსული კრიპტო ბირჟების მიერ მიღებული უკანონო ბიტკოინის დაახლოებით 86% Hydra-ს ეკუთცნოდა, რომელიც სახაზინო დეპარტამენტმა აღწერა, როგორც მსოფლიოში "ყველაზე დიდი და ყველაზე ცნობილი დარქნეთის ბაზრობა".

დეპარტამენტის თქმით, სანქციები, რომლებიც კრძალავს ტრანზაქციებს Hydra-სთან და Garantex-თან და ცდილობს გაყინოს ნებისმიერი აქტივი, რომელიც შეიძლება ჰქონდეს აშშ-ს იურისდიქციაში, არის საერთაშორისო ძალისხმევის ნაწილი, რათა ხელი შეუშალონ მავნე კიბერდანაშაულის სერვისების, ნარკოტიკების და სხვა უკანონო შეთავაზებების გავრცელებას, რომელიც მოდის რუსეთიდან.

აშშ-ს ფინანსთა სამინისტრო შეუერთდა აშშ-ს იუსტიციის დეპარტამენტს, FBI-ს და გერმანიის ფედერალურ კრიმინალურ პოლიციას, რომლებმაც განაცხადეს, რომ დახურეს Hydra სერვერები გერმანიაში და ამოიღეს 25 მილიონი დოლარის ღირებულების ბიტკოინი.