შინაგან საქმეთა სამინისტროს განცხადებით, კახეთის პოლიციის დეპარტამენტის თანამშრომლებმა დააკავეს 1982 წელს დაბადებული კაცი, რომელიც ცოლზე ძალადობდა, არასრულწლოვანი შვილების მიმართ კი გარყვნილ ქმედებას სჩადიოდა.

"დადგინდა, რომ ბრალდებული დ.გ. საკუთარ მეუღლეზე —1993 წელს დაბადებულ თ.ც.-ზე გენდერის ნიშნით შეუწყნარებლობის მოტივით ფიზიკურად და ფსიქოლოგიურად სისტემატურად ძალადობდა. გარდა ამისა, ბრალდებული მეუღლეს მისი სურვილის საწინააღმდეგოდ სქესობრივი კავშირის დამყარებას აიძულებდა, ხოლო არასრულწლოვანი შვილების მიმართ გარყვნილ ქმედებებს ახორციელებდა", — აცხადებენ უწყებაში.

გამოძიება სისხლის სამართლის კოდექსის 11'-137-ე მუხლის მე-3 ნაწილის ე ქვეპუნქტით, 11'-126-ე მუხლის მე- 2 ნაწილის ე ქვეპუნქტით, 11'-151-ე მუხლის მე-2 ნაწილის დ ქვეპუნქტით, 11'-115-ე მუხლის მე-2 ნაწილის ა ქვეპუნქტით და 11'-141-ე მუხლის მე- 2 ნაწილის ვ ქვეპუნქტით მიმდინარეობს. შსს-ს ცნობით, დანაშაულები 10-დან 13 წლამდე ვადით თავისუფლების აღკვეთას ითვალისწინებს.