საქართველოს ჟურნალისტური ეთიკის ქარტია საზოგადოებრივი მაუწყებლის სამეურვეო საბჭოს მიმართავს და მოუწოდებს, შეისწავლოს სარედაქციო დამოუკიდებლობაში შესაძლო ჩარევის საკითხი. მათი თქმით, გადაცემა ახალი კვირის წამყვანისა და ჟურნალისტების განცხადების საფუძველზე შესაბამისი ზომები უნდა გატარდეს.

ქარტიაში აღნიშნავენ, რომ მათთვის კატეგორიულად მიუღებელია სარედაქციო დამოუკიდებლობაში ჩარევა.

"კრიტიკულად მნიშვნელოვანია ეს პროცესი იყოს საჯარო და ყველა დაინტერესებულ პირს ჰქონდეს ჩართვის შესაძლებლობა", — აღნიშნულია ქარტიის განცხადებაში.

25 მარტს პირველი არხის ჟურნალისტმა, იმედა დარსალიამ ის ე.წ. შავი სიის რესპონდეტები დაასახელა, რომელიც საზოგადოებრივ მაუწყებელს ჟურნალისტებისტვის ჰქონდა შექმნილი. მისი განცხადებით, ამ სიაში შემავალი რესპონდეტების ჩაწერა მათ ეკრძალებოდათ ან იღებდნენ შენიშნვას. ჟურნალისტმა, ასევე, ისაუბრა თემებზე, რომელიც ასევე აკრძალული იყო.

საზოგადოებრივი მაუწყებლის გადაცემა ახალი კვირის წამყვანმა, იმედა დარსალიამ 17 თებერვალს განაცხადა, რომ გადაცემა გააჩერეს და ეთერიდან მოხსნეს. ამაზე ტელეკომპანიაში ამბობდნენ, რომ რეორგანიზაციაა დაგეგმილი და არავინ გაუთავისუფლებიათ. მოგვიანებით დარსალიამ ისაუბრა, რომ საზოგადოებრივ მაუწყებელში იყო ე.წ. შავი სიები, ანუ იმ ადამიანების ჩამონათვალი, თუ ვინ უნდა ჩაწეროს ჟურნალისტმა და ვინ არა.