24 მარტს აშშ-ში, მინესოტას ზოოპარკში 12 წლის ამურის ვეფხვი, სახელად პუტინი მოკვდა. ზოოპარკის თანამშრომლების ინფორმაციით ვეფხვის სიკვდილის მიზეზი გულის შეტევა გახდა. ვეტერინარებმა მისი გადარჩენა სცადეს, თუმცა უშედეგოდ.

"დღეს მინესოტას ზოოპარკისთვის ძალიან რთული დღეა და დიდხანს ვიგლოვებთ", — ვკითხულობთ ზოოპარკის განცხადებაში.

პუტინი მინესოტას ზოოპარკში 2015 წლიდან ცხოვრობდა. მას ეს სახელი ჩეხეთის ზოოპარკში დაარქვეს. პუტინს გეგმიური პროცედურა უტარდებოდა, რომელიც სახეობის გამრავლებისთვის იყო მნიშვნელოვანი. ვეტერინარების თქმით, პროცედურისთვის რამდენიმე კვირით ადრე მოემზადნენ და ყველა უსაფრთხოების წესი დაცული იყო.

განცხადების მიხედვით, მინესოტას ზოოპარკს ვეფხვების კონსერვაციის კამპანიაში უდიდესი წვლილი მიუძღვნის. მისი გახსნიდან 40 წელზე მეტი გავიდა და ზოოპარკში დღემდე 44 ბოკვერი დაიბადა.