ჯანდაცვის მინისტრის, ზურაბ აზარაშვილის განცხადებით, მიმდინარე კვირაში ქვეყანაში კორონავირუსის სამკურნალო პრეპარატი იქნება. ამის შესახებ მან საკოორდინაციო საბჭოს დასრულების შემდეგ თქვა.

"ამ კვირაში უკვე გვექნება კოვიდის სამკურნალო პრეპარატი, ეს არის სპეციალური პრეპარატი, რომელიც Pfizer-ის მიერ შექმნილი — პაქსლოვიდი. სულ აქვს მსოფლიოს რამდენიმე ქვეყანას და ძალიან მიხარია, რომ ერთ-ერთი საქართველო იქნება", — განაცხადა მან.

მისივე თქმით, ამ მედიკამენტი მიღება ინფიცირებიდან პირველი 5 დღის განმავლობაში იქნება აუცილებელი.

"ყველა, პოტენციურად ვინც შეიძლება დამძიმდეს ინფიცირებისას და ქრონიკული დაავადებები ახლავთ თან, ყველას დავურიგებთ უფასოდ და ისინი იმკურნალებენ. ინფიცირებიდან პირველი 5 დღის განმავლობაში აუცილებელია ამ მედიკამენტის მიღება" — განაცხადა მინისტრმა.