ბელარუსი ამტკიცებს, რომ რუსებს უკრაინის ტერიტორიიდან მათი სოფლები არ დაუბომბავთ. ქვეყნის თავდაცვის სამინისტრომ ამ ინფორმაციას პროვოკაცია და ბელარუსული საზოგადოების შერყევის მცდელობა უწოდა.

უწყება ამტკიცებს, რომ უკრაინელი ოფიციალური პირების განცხადებების მიუხედავად, მსგავს ინფორმაციას მათი საჰაერო სივრცის კონტროლისა და დაზვერვის წარმომადგენელბი, ისევე როგორც საგანგებო სიტუაციების სამინისტროს დანაყოფები არ ადასტურებენ.

დღეს, 11 მარტს უკრაინის შინაგან საქმეთა სამინისტრომ და შეიარაღებული ძალების საჰაერო სარდლობამ განაცხადა, რომ რუსებმა უკრაინის საზღვრის მიმდებარედ ბელარუსის ტერიტორია დაბომბეს. უწყებები ამას მიზანმიმართულ პროვოკაციად აფასებდნენ. ეს მაშინ მოხდა, როცა ბელარუსის პრეზიდენტი ლუკაშენკო მოსკოვში პუტინს ხვდებოდა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში