მოსკოვში აქციაზე დააკავეს ორი ქალი და მათი ხუთი შვილი, 7-დან 11 წლამდე ასაკის, რომლებიც უკრაინის საელჩოსთან მივიდნენ აქციაზე, ყვავილებითა და პლაკატით: "არა ომს".

ინფორმაცია ამის შესახებ რუსულმა გამოცემა Meduza-მ ერთ-ერთ მოქალაქეზე დაყრდნობით გაავრცელა, რომელიც წერს, რომ დაკავებული ქალები ბავშვებთან ერთად განყოფილებაში გადაიყვანეს და იქ აპირებდნენ დატოვებას. მისი თქმით, მათ ჩამოართვეს ტელეფონები, უყვიროდნენ, ემუქრებოდნენ და აშინებდნენ მშობლის უფლების ჩამორთმევით.

ფოტოებში ჩანს, რომ ბავშვებს ხელში უჭირავთ ყვავილები და ფანქრებით გაფორმებული წარწერა: "არა ომს"

ქალმა სოციალურ ქსელში ჟურნალისტებისა და უფლებადამცველების დახმარება ითხოვა, მოგვიანებით კი დაწერა, რომ ისინი გამოუშვეს და წინ სასამართლო პროცესია, რომელიც განხილვებს გულისხმობს. მისივე თქმით, მშობლების შეშინებული იყვნენ, გასაგები მიზეზების გამო.

მანვე ფეისბუქზე გაავრცელა ვიდეო, სადაც ჩანს, რომ ერთ-ერთი ბავშვის დედა რკინის ჯებირებს მიღმაა, ბავშვი ტირის და ეკითხება დედას, რატომაა იქ და როდის გამოუშვებენ. დედა ცდილობს აუხსნას, რომ ამის მიზეზი ის არის, რომ ბევრმა ხალხმა არ ისაუბროს ომზე. ის ბავშვის დამშვიდებას ცდილობს და ეუბნება, რომ მალე გაუშვებენ. უცნობია ეს ვიდეო გადაღებულია უშუალოდ საპატიმროში თუ გადაყვანისას.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში