უკრაინის პრეზიდენტი, ვოლოდიმირ ზელენსკი ვიდეოგამოსვლით აცხადებს, რომ ვლადიმირ პუტინს მოლაპარაკებების დაწყებას სთავაზობს: "მინდა, კიდევ ერთხელ მივმართო რუსეთის ფედერაციის პრეზიდენტს. უკრაინის მთლიან ტერიტორიაზე საბრძოლო მოქმედებები მიმდინარეობს. მოდით, დავსხდეთ მოლაპარაკების მაგიდასთან, რათა შევაჩეროთ ადამიანების სიკვდილი".

ზელენსკიმ, ამასთან, ევროპის ქვეყნების მოსახლეობებს მოუწოდა, დადგნენ უკრაინის დაცვის მხარეს: "რუსეთის უკრაინაში შეჭრა არ არის მხოლოდ ერთ ქვეყანაში შეჭრა. ესაა ომის დაწყება ევროპის წინააღმდეგ, ევროპის ერთიანობის წინააღმდეგ, ევროპაში ადამიანის უფლებების წინააღმდეგ, კონტინენტზე თანაცხოვრების ყველა წესის წინააღმდეგ, იმის წინააღმდეგ, რომ ევროპული სახელმწიფოები უარს ამბობენ საზღვრების ძალის გამოყენებით განაწილებაზე".