ბეჭდების მბრძანებელი ფენტეზის ჟანრის რომანია, რომლის ავტორიც ბრიტანელი, ოქსფორდის უნივერსიტეტის პროფესორი, მწერალი ჯონ რონალდ რუელ ტოლკინია.

2001 - 2003 წლებში რეჟისორმა პიტერ ჯექსონმა რომანი კინოტრილოგიად აქცია, რაც კინოსამყაროში ერთ-ერთ მთავარ მოვლენად იქცა.

ფილმში ელფ გალადრიელის როლს ოსკაროსანი მსახიობი ქეით ბლანშეტი ასრულებს, რომელიც ამბობს, რომ ბეჭდების მბრძანებელში მონაწილეობის მიღება მისი კარიერისთვის უმნიშვნელოვანესი მოვლენა იყო.

"ეს ფილმი [ბეჭდების მბრძანებელი] არ არის მხოლოდ ფილმი. აქ, შეიძლება ითქვას, ჩემი ოცნება ასრულდა. ყოველთვის მინდოდა ელფის როლი შემესრულებინა და როდესაც პიტერ ჯექსონმა დამირეკა, ვიფიქრე, რომ ჰოლივუდი მართლაც ოცნებების ქარხანაა, სადაც ნებისმიერი რამ, რაც ოდესმე გონებაში გაგივლია ახდება", - იხსენებს ქეით ბლანშეტი.

22 აპრილიდან ტელეკომპანია GDS-ზე შუახმელეთის ლეგენდა შეგიძლიათ ნახოთ.

შაბათი 22 აპრილი:

17:00 – ბეჭდების მბრძანებელი: ბეჭდის საძმო
20:00 – ბეჭდების მბრძანებელი: ორი კოშკი
23:15 – ბეჭდების მბრძანებელი: ხელმწიფის დაბრუნება

კვირა 23 აპრილი

17:00 –ჰობიტი: მოულოდნელი მოგზაურობა
20:00 – ჰობიტი: სმაუგის განადგურება
23:00 – ჰობიტი: ხუთი არმიის ბრძოლა