რუსეთ-უკრაინის ომის ფონზე, მოლდოვის უსაფრთხოების უმაღლესი საბჭო ქვეყანაში საგანგებო მდგომარეობის გამოცხადებას მხარს უჭერს. ამის შესახებ ინფორმაციას "Европейская правда" ავრცელებს.

"დღეს დილით, საერთაშორისო ნორმების დარღვევით, რუსეთმა მეზობელ სახელმწიფო უკრაინაზე თავდასხმა დაიწყო. საერთაშორისო საზოგადოება ამას ერთხმად აფასებს, როგორც საომარ მოქმედებას. აქედან გამომდინარე, მე მოვუხმე უსაფრთხოების უმაღლეს მრჩევლებს. ჩვენ გადავწყვიტეთ, რომ მოლდოვის მთავრობა პარლამენტს საგანგებო მდგომარეობის გამოცხადების მოთხოვნით მიმართავს", — განაცხადა მოლდოვის პრეზიდენტმა, მაია სანდუმ, უშიშროების სხდომის შემდეგ.

ამასთან, სანდუს ცნობით, დღეს საგანგებო სიტუაციების კომისია განიხილავს კრიზისთან გამკლავების შესაძლო გზებს. პრეზიდენტის განცხადებით, გაძლიერდება პატრულირება, რათა შესაძლო პროვოკაციები თავიდან იქნას აცილებული.