დიდი ბრიტანეთის, პოლონეთისა და უკრაინის ალიანსი დაფუძნდა. ალიანსის წევრებმა ერთობლივი განცხადება გამოაქვეყნეს, სადაც აღნიშნულია, რომ აღმოსავლეთ ევროპის საზღვარზე დემოკრატიის განმტკიცებისთვის იმუშავებენ.

"დიდი ბრიტანეთი, პოლონეთი და უკრაინა ღრმა ისტორიულ კავშირს ქმნიან, რომელიც დაფუძნებულია საერთო ღირებულებებზე, მშვიდობისა და უსაფრთხოების საერთო ერთგულებასა და აგრესორების წინააღმდეგ ერთად დგომის საერთო ისტორიაზე, რომლებიც ევროპაში თავისუფლებას ემუქრებიან.

ვიმეორებთ, რომ თითოეული ევროპული ქვეყანა თავისუფალია აირჩიოს ან შეცვალოს საკუთარი უსაფრთხოების ზომები, მათ შორის ალიანსის ხელშეკრულებები და არცერთ სახელმწიფოს არ შეუძლია ევროპის ნაწილი განიხილოს საკუთარი გავლენის სფეროდ.

ჩვენ, სამი სახელმწიფო ერთობლივად ვიმუშავებთ სტაბილურობის დასაცავად და უკრაინის გასაძლიერებლად, აღმოსავლეთ ევროპის საზღვარზე დემოკრატიის განმტკიცებისთვის.

ამ მიზნით ჩვენ დღეს შევთანხმდით სამმხრივილი თანამშრომლობის მემორანდუმის შემუშავებაზე", — აცხადებენ ისინი.

განცხადებაში ნათქვამია, რომ დიდი ბრიტანეთი და პოლონეთი უკრაინის მხარდაჭერას გააგრძელებენ და რუსული აგრესიის ფონზე მზად არიან უკრაინელ ერს გვერდით დაუდგნენ სუვერენიტეტის, დამოუკიდებლობისა და ტერიტორიული მთლიანობის დაცვაში.

გაიგეთ მეტი: