გენადი ბესტაევის და, ნაირა გუდაძაძე აცხადებს, რომ მომხდარის გამო პასუხისმგებლობა მთავრობას ეკისრება.

"მთავრობას ეკისრება პასუხისმგებლობა, სხვას ვის? რამდენიც გინდა ვილაპარაკო, ვიყაყანო, ვიჩხუბო და ტკბილი სიტყვა ვუთხრა, არაფერი არ სჭრიდა", — აცხადებს ის.

საოკუპაციო ძალების მიერ უკანონო პატიმრობის შემდეგ თბილისის კლინიკაში გადმოყვანილი გენადი ბესტაევი გარდაიცვალა. ის საოკუპაციო ძალებმა 2019 წლის 21 ნოემბერს უკანონოდ დააკავეს. მიმდინარე წლის 2 მარტს ოკუპირებული ცხინვალის ე.წ. სასამართლომ მას 3 წლით უკანონო პატიმრობა მიუსაჯა.