ვიცით, რომ ქართული კურიოზული ვიდეოები თქვენც ჩვენსავით გიყვართ: ხშირ შემთხვევაში მოულოდნელად დაჭერილი აბსურდული და კომიკური სიტუაციები საუკეთესოდ აღწერს ჩვენს ქვეყანაში არსებულ სოციალურ, პოლიტიკურ თუ კულტურულ მდგომარეობას.

ალბათ, ბევრს ჰგონია, რომ მსგავსი ვიდეოები მხოლოდ ჩვენთვისაა უზომოდ სახალისო, რადგან ადგილობრივი კონტექსტი ვიცით, უცხოელები კი მათში იმ განსაკუთრებულ განწყობას ვერ დაიჭერენ, რაც ჩვენ ასე გვახალისებს.

თუმცა იქნებ ასე სულაც არაა და თუ შესაბამისად მივაწოდებთ მათ ამ მასალას, ისევე შეგვიძლია მოვიწონოთ თავი ამ უნიკალური ვიდეოებით, როგორც თუნდაც ქართული სამზარეულო ან ბუნება გვეამაყება...

ამის უკეთ წარმოდგენაში ფეისბუქგვერდი Georgian Treasure In English დაგვეხმარება, რომლის ავტორებმაც ჯერ სამეგობრო წრისთვის გაახმოვანეს ქართული ვირუსული ვიდეოები, შემდეგ კი აღმოჩნდა, რომ უცებ გაცილებით უფრო დიდი აუდიტორია მოხიბლეს.

ახლა სწორედ ამ ენთუზიასტების მიერ ინგლისურ ენაზე წარმოუდგენლად ავთენტურად და სახალისოდ გახმოვანებულ რამდენიმე ვიდეოს წარმოგიდგენთ და შედეგი თავად შეაფასეთ:

1. დავიწყოთ ავთო ცქვიტინიძის ქორწილით: Amboben - Avto Tskvitinidze's wedding

2. ჯერჯერობით ამ გვერდის მთავარი ჰიტი ეს ვიდეოა: Don't kill me Ninoo / არ მომკლა ნინოო

3. ისტორიული კადრები: You believe me? / ჩემი გჯერა?

4. პოლიტიკური ციებ-ცხელება: What did national movement make? / რა გააკეთეს ნაციონალებმა?

5. ეს ვიდეო შონდა რაიმსმა რომ ნახოს, გრეის ანატომიის ერთ-ერთ სერიად გადაიღებს: Matsivari / მაცივარი

6. ეს კიდევ ზებუნებრივების სცენარისტებს უნდა გავუგზავნოთ, ისევ გააგრძელებენ სერიალის გადაღებას: Nokia Phone / ნოკია ტელეფონი

7. ეს მერაია ქერის გამოადგება ახალი სადღესასწაულო სიმღერის დასაწერად: Get Pregnant / ორსულად იყავით

8. ყველა ჰოლივუდური ფილმის შესაფასებლად გამოდგება, სადაც პოლიცია ყოველთვის მაშინ მოდის, როცა უკვე ყველაფერი დამთავრებულია: Bouquet on the dead / მკვდარზე ვენოკი

9. ეიფორიის მესამე სეზონის ტრეილერი: Is it a funeral??? / პანაშვიდია???

10. თანამედროვე ქართული კინოკლასიკა: You are a genius! / გენიოსი ხარ!

ცხადია, ამ ვიდეოების "საერთაშორისო ასპარეზზე გატანა" ხუმრობაა, ინგლისურად გახმოვანებით უბრალოდ კიდევ ერთხელ შეგვიძლია ჩვენვე გავიხსენოთ, როგორი ამოუწურავი მასალა გვაქვს მსგავსი ძალიან სასაცილო კადრების.

სამომავლო სიახლეები რომ არ გამოგრჩეთ, შეგიძლიათ Georgian Treasure In English-ის გვერდს მიადევნოთ თვალი, აქვე კი სხვა ქართული ვირუსული ვიდეოების გახსენებას ან სულაც პირველად აღმოჩენას გირჩევთ, რომლებიც ვინ იცის, შეიძლება მალე ასევე ინგლისურად გახმოვანებული ვიხილოთ: